Shallom ka semua menyadi ti diberekat ka Tuhan!!!!!!!!.................
Tuhan Apai ti kasih, awak ka semua utai ti dikunsi aku tu datai ari nuan lalu ulih meransang tiap iko kami. Ampun aku enti penemu tu bisi kurang. Dalam nama Jesus,Amen.
Puji ti pengabis besai diberi ka Tuhan kategal aku ti udah bulih siti jako Tuhan ari menyadi kitai Edwin ti sharing ka jako Tuhan malam ari dua tu tadi. Aku mega meri terima kasih sereta tahniah ka anembiak Tuhan ti biak amat tu tang berani lalu deka nguji mai jako Tuhan ngagai orang maioh. Awak ka nuan terus maju bekerja ka Tuhan !
Aku saritu enda ingat mai Bible aku ka office, tang puji Tuhan laban ba Internet bangat maioh amat Bible bisi ulih di surf kitai bila2 kitai ka. Jadi aku lalu paste Luke 11:9-10 tu ditu.
11:9 Oleh karena itu Aku berkata kepadamu: Mintalah, maka akan diberikan kepadamu; carilah, maka kamu akan mendapat; ketoklah, maka pintu akan dibukakan bagimu.
11:10 Karena setiap orang yang meminta, menerima dan setiap orang yang mencari, mendapat dan setiap orang yang mengetok, baginya pintu dibukakan.
Ba Philipian 4:6 mega ngasoh kitai minta semua utai ngagai Allah Taala. Tang ba aku, bisi agi verse bukai ti diguna aku kena aku nusoi tauka nyukung kesaksian tu enggau lebih kuat agi. Aku tercari-cari ngelama tu, nya meh aku bedau malas email Mr Duwen ti ngasoh aku bekunsi ka berekat Tuhan ti bisi nyadi ari sampi cell group kami di Subang Jaya. Udah ti ninga jako kunsi Edwin nya meh aku lalu berasai gaga ati lalu nusoi tu ka kitai semua. Ba aku, enti kitai besampi aja lalu duduk ngapa nadai "berusaha" tauka "ngiga" munyi ko St Luke nya, enda ga Tuhan meransang kitai ngelusu lalu duduk aja nganti berekat ti datai. Dalam kitai ti besampi, mesti kitai ko ngena "penau, pengering enggau jam" ti diberi Allah Taala ka kitai, kena kitai ngulih ka utai ti dikedeka ka kitai. Ukai tak semina besampi lalu tinduk jenak, nyerah ka semua utai ngagai Allah Taala aja.
Menyadi dalam Kristus,
Nyadi menyadi aku tu udah 2 tahun jadi enggau laki iya, tang lalu nadai bulih anak. Kami sebilik suah udah besampi ngagai Tuhan sebedau adi aku ti datai kitu bulan lapan tu kemari. Nyadi nyangka nya peneka Tuhan, aku beserimbai enggau pengarap ka Tuhan lalu mai adi aku berurut ba siko bidan pencen. Aku sigi suah berurut ba bidan tu ti dulu suba gawa di Hospital Perintah. Bidan tu sigi pandai, tang aku pechaya ni pan pemandai iya tu enti Tuhan enda ngasoh utai tu nyadi utai tu sigi enda nyadi. Bidan tu meri adi aku rempah sereta ngurut iya. Tiga kali aku nganjung iya berurut sereta makai rempah nya. Malam ari 5 kami ti besampi ba cell group di rumah sida Duwen nya kira ari kedua iya udah berurut kin. Bidan nya madah angin maioh dalam tubuh iya laban makai nadai berjaga, lalu endang tak selalu enterai belama iya sekumbang udah makai rempah nya, nyangka angin nya keluar kini. Tapi anang kita saru, nadai ngena ilmu hitam bidan tu! Sigi pemandai iya, nyangka ari pengalaman iya kini.Nyadi kami ka besampi malam ari 5 nya tadi sigi enggau penuh ati. Aku berunding enda patut Tuhan enda ninga laban udah "ngiga" jalai meh kira ati ku tadi. Ngelama tu besampi aja, tang nadai berubat. Mesti Tuhan deka ninga sekali tu!!!! Laki iya pun kebetulan kursus ditu maia nya, Roseleena, sida Duwen sebilik enggau kami sebilik sama besampi dia. Tang urung ti besampi ka seduai iya nya, laki iya empu nyampi munyi tu, laban iya ti Bidayuh, iya SIB lalu besampi dalam jako Melayu. Antara ia ti dikingat ka aku......
"Bapa kami di surga.....enggau memberkati apa yang ada di surga dan di bumi,........."
Aku pun enda berapa ingat agi dalam BM tapi antara ia iya madah ka Tuhan ti pun semua utai lalu ti bekuasa meri semua utai di serega enggau di bumi, nadai utai enda ulih nyadi ti Tuhan deka memberkati!
Puji ti pemadu besai ka Tuhan, tengah bulan 9 tu tadi Adi aku telefon madah ka diri udah betubuh bisi ari pinta enggau giga nya tadi meh!
Nyadi the moral of the story (munyi ko anak aku Abner);
1. Minta lalu giga..........Luke 11:9-10
2. Besampi dalam cell group - "Di mana dua atau tiga orang berkumpul dalam namaKu, di situ Aku ada di tengah2 mereka" (Mat.18.20).
3. Anang ngetu minta enti kitai bedau diberi sari tu nyangka pagila, nyangka lusa, nitih ka peneka Tuhan. Nyangka bisi kebuah doa kitai bedau disaut. Dosa yang tak diakui memisahkan kita dari Tuhan, sehingga Ia tak dapat mendengar doa kita.
"Sesungguhnya, tangan Tuhan tidak kurang panjang untuk menyelamatkan, dan pendengaran-Nya tidak kurang tajam untuk mendengar; tetapi yang merupakan pemisah antara kamu dan Allahmu, ialah segala kejahatanmu, dan yang membuat Dia menyembunyikan diri terhadap kamu, sehingga Ia tidak mendengarmu, Ialah segala dosamu." (Yesaya 59:1-2)
4. Carilah Tuhan.....ko Pastor Melai. Anang minta aja tang tidak mencari kepada siapa kita meminta. Giga meh Tuhan nengah seminar, cell group, bible study berandau enggau pangan diri sereta macha bup kudus. Cari lah Tuhan.Ba aku, utai ti udah nyadi tu maioh meransang kami di SJ. Sampi kitai udah didinga Tuhan! Nama kebuah Tuhan ngasoh menyadi aku nya kitu ngapa, enti enda ko mandang ka utai nyelai amat deka nyadi? Iya mega ngasoh utai nya nyadi enggau chara ti nyelai, sampi enggau berubat! Nama kebuah ngelama tu besampi enda dikemendar ka Tuhan? Tuhan bisi rencana iya empu! Ari utai ti nyadi tu mega aku berunding, enti aku pandak runding tentu aku ngumbai bidan nya ti ngasoh adi aku betuboh bisi. Tang enda pia, laban semua utai nyadi enggau peneka Tuhan, pandai pan bidan nya enti Tuhan enda memberkati, enda ngasoh utai nya nyadi enda meh nyadi. Baka kitai ka berubat ba Hospital, pandai pan doktor nya enti maia Tuhan ngambi orang ti sakit nya pulai, tau meh orang nya enda gerai.
Segala Puji dan Kemuliaan Bagi Tuhan, AMEN!
