Giant Kinrara

Pulai kerja hari 5 tu tadi, ngetu ba Giant Kinrara sekejap ka meli bala da perengka lauk, semadi ke agi tumu laban ti mupuk sharp 5:30 lemai ari opis.  Udah bebeli ke semua barang, lalu napat ke kaunter ka bebayar. 

Bisi lah se-couple tu tadi, couple Melayu bisi anak 2  iko, siko berumur ke 3 taun kenya, siko agi setaun lebih kenya meh umur.Apai sida nya, benung beratur ka bebayar ari belakang aku. Nadai endar ga utai di beli ka 3 iti aja, uji anang mayar ba kaunter tu, ko ati ku, bayar ba ekspess kaunter.   Engka iya enda nemu meh nya.

Nyadi bini iya nya tadi nganti ba luar kaunter enggau anak iya dua-dua ba dalam troli.   Laban ti enda te-tanti ke laki iya ka mayar barang, bini iya tu tadi lalu merap anak ke tuai agi, bejalai keluar kin.  Tinggal meh anak ya ti mit nya ba troli. Lapa deh, lalu nyabak tudah di tinggal ke indai iya ti bejegau nya. 

Apai iya pan enda entu tak kiruh endar meda anak ya nya ti nyabak nyau engkejuk ba troli.  Baru ka mayar aku, dinga aku tak meredup utai ba belakang aku.Akai rai...anak mit nya tadi labuh ari troli....apooo naka meh nya.. Apai iya lalu beguai ngambi ya.  Anak nya enda nemu ka nyabak agi, nyau ngekal...kasih endar....mulut bedarah.  Bendar meh apai iya ngangau ke indai iya ke udah pansut ari Giant (kira ke agi dinga meh enti di kangau). Buat selamba aja indai iya nya.  Naka pemeli mensia baruh hari tu, ko ati ku.    

Enti kitai, as a mother, nemu kitai beguai enti bisi utai nyadi ba anak kitai.  Nya tak enda kiruh. Tak nako-nako.  Anak udah berdarah mulut kenya....eee...geramm Indai iya lalu datai kia, udah laki iya ti ngasuh jampat agi, mulut dah bedarah.  Baru lah iya ngambi anak mit nya.   Sut ga, di ambi iya anak nya, enda ga nemu malit mulut anak iya ti bedarah nya. Selamba aja bejalai keluar enggau anak iya nya agi nyabak. 

Semua orang meda magang.  Bala indu kaunter nyau begiling pala meda ulah sida tu.  Indai anak mit  nya tadi,  engka nya  malu meh, tang ngaga diri selamba aja, baka ti nadai utai nyadi.  Stupiddoo.  

Nyau aku ti geram, ngasai ke diri ke bisi anak mit. Udah nemu bisi anak mit kenya nibuh lah ka bejegau mai anak keluar dulu. Cuba lah anti sekejap laki kitai ti bebayar ke utai.  Keruan-keruan..Sinu ke baby nya. Ukai nya nemu utai.  

Aku ti meda nyau emotional sampai ke rumah.  Ka nyabak bisi meh, nama teringat ke insiden tu. 

Moral of the story, take good care of your kids enti mindah kia-kia.  Mupok dulu...Ujan hari.