Lelak amat aku seminggu tu...asai ke ka luput kediri ngelaban sida anak, berapi ngemas rumah, bebasu serta ngeredai gari. Apai Ara ga udah travelling ke Vienna seminggu tu. Makai pan nyau enda masuk. Bisi maia tak enda makai laban nadai appetite, semina meri sida Ara enggau twin makai. Penyadi ia, perut nyau kembung masuk angin. Bisi udah 2 hari tu enda makai asi. Enda nemu asai agi.
Ni enda, tumu pagi dalam pukul 5.45 pagi kenya udah dani berapi ke Ara. Iya makai ba nursery sebedau iya nurun sekula. Udah nya ngadu sida ai susu, ai amat, bekal ke sekula ke Ara. Bejemboi ke gari di luar. Baju kamah udah di basu malam tadi. Semina pagi nya tak nyemboi aja. Malam nya, bekemas ke buku ke ka di bai Ara ke sekula, ngemas gari sida Ara & Twin ke ka di kena di nursery. Maioh endar utai ka di pikir. Mesti ka ngingat ke utai kemaia nya lalu mesti di kerja. Laban enti bepikir, lagi lah, udah tu lah...tau tak enda ingat agi ngerja. Nanggung Lendai & Chaong ti benung tindok meh. Pama agi Lendai udah dani, sempat di beri tusu. Tudah Chaong baru ia, agi tindok meh nya di anjung ke nursery. Sinu meda.
Mupok enda mupok ari nursery pukul 8 lebih meh. Nya meh selalu laun datai ba opis. Malu meh peda orang selalu laun tang kati ko enggau deh.
Pulai lemai berumban ga, ngambi sida di nursery. Pama enti hari 1 ngagai hari 3, Ara laun badu sekula. Maia van nganjung iya, aku udah bisi di rumah. Tang hari 4 & hari 5, tumu sida badu. Tang aku ti laun pulai. Di anjung van ngagai nursery dulu iya. Nya baru aku ngambi sida.
Datai di rumah, non stop nya, lalu terus berapi. Enti lelak ka berapi, tapau meh tang ni alah tak everyday ga tapau...lelak ga makai utai luar. Ka pan enda berapi ga ngarap ke bala anak makai utai ti bersi.
Ni ti berapi, ni ti kiruh ngelayan sida twin ..ni sida ti belaya, baka rauh meh dia. Sabar aja lah...
Nya nama hari 6 endang di danti belama, ulih ga laun dani. Arap ke Tuhan ninga ke sampi aku awak ke bisi helper nulong aku ba rumah nyaga anak2 serta bekemas ke rumah.
Tang aku nemu, Tuhan tetap meri aku pengeliat ati, tubuh ti sihat handle all these situation. I know He knows best. Iya enda akan ngasuh aku nerima utai ti enda patut di terima aku. Above all, thank you Lord, thank you Jesus for everything.
God bless all...
No comments:
Post a Comment